ഗാസ മുനമ്പിന്റെ വീണ്ടെടുക്കലിനും പുനർനിർമാണത്തിനുമുള്ള അറബ് പദ്ധതിയെക്കുറിച്ച് ന്യൂയോർക്കിൽ ഐക്യരാഷ്ട്രസഭയിലേക്കുള്ള അറബ് റിപ്പബ്ലിക് ഓഫ് ഈജിപ്തിന്റെ സ്ഥിരം ദൗത്യം സംഘടിപ്പിച്ച പ്രത്യേക യോഗത്തിൽ ബഹ്റൈൻ വിദേശകാര്യ മന്ത്രി ഡോ. അബ്ദുല്ലത്തീഫ് ബിൻ റാഷിദ് അൽ സയാനി പങ്കെടുത്തു. ഐക്യരാഷ്ട്രസഭയുടെ പൊതുസഭയുടെ 80-ാമത് സെഷനോടനുബന്ധിച്ച്, സഹോദര അറബ് റിപ്പബ്ലിക് ഓഫ് ഈജിപ്തിന്റെ വിദേശകാര്യ, കുടിയേറ്റ മന്ത്രി ഡോ. ബദർ അബ്ദുൽ ആറ്റിയാണ് യോഗത്തിൽ അധ്യക്ഷത വഹിച്ചത്. അറബ്, വിദേശ രാജ്യങ്ങളിൽ നിന്നുള്ള നിരവധി വിദേശകാര്യ മന്ത്രിമാരും ഐക്യരാഷ്ട്രസഭ, യൂറോപ്യൻ യൂണിയൻ തുടങ്ങിയ പ്രസക്തമായ അന്താരാഷ്ട്ര സംഘടനകളുടെ പ്രതിനിധികളും യോഗത്തിൽ പങ്കെടുത്തു.
യോഗത്തിൽ ഗാസ പുനർനിർമാണ പദ്ധതിയെ ബഹ്റൈൻ പിന്തുണയ്ക്കുന്നുവെന്ന് വിദേശകാര്യ മന്ത്രി അറിയിച്ചു. ഈജിപ്ഷ്യൻ സർക്കാർ ഇത് നടപ്പിലാക്കുന്നതിനായി അന്താരാഷ്ട്ര പിന്തുണ തയ്യാറാക്കാനും നേടാനും വലിയ ശ്രമങ്ങൾ നടത്തിയിട്ടുണ്ട്. ഗാസ മുനമ്പിൽ നിന്ന് പലസ്തീൻ ജനതയെ നിർബന്ധിതമായി കുടിയിറക്കുന്നില്ലെന്ന് ഉറപ്പാക്കുന്നതിന് രാജ്യത്തിന്റെ പൂർണ പിന്തുണ അദ്ദേഹം ഉറപ്പുനൽകി. അടിയന്തര വെടിനിർത്തൽ, എല്ലാ ബന്ദികളെയും തടവുകാരെയും ഉടൻ മോചിപ്പിക്കൽ, സാധാരണ ജനങ്ങൾക്ക് അടിയന്തര മാനുഷിക സഹായം വിതരണം ചെയ്യൽ കാര്യങ്ങൾ യോഗത്തിൽ സംസാരിച്ചു.
ന്യൂയോർക്കിലെ ഐക്യരാഷ്ട്രസഭയിലെ ബഹ്റൈൻ രാജ്യത്തിന്റെ സ്ഥിരം പ്രതിനിധി അംബാസഡർ ജമാൽ ഫാരെസ് അൽ-റുവൈ, വിദേശകാര്യ മന്ത്രാലയത്തിലെ ഏകോപന, തുടർനടപടി വിഭാഗം മേധാവി അംബാസഡർ സയീദ് അബ്ദുൾഖലീഖ് സയീദ് എന്നിവർ യോഗത്തിൽ പങ്കെടുത്തു.
Content Highlights: Foreign Minister takes part in UN meeting organised by Egypt on Arab plan for Gaza reconstruction